Hai 46 e 42 anos … primeiras manifestacións do Orgullo en Barcelona (1977) e Vigo (1981).

Co lema “Non temos medo, nos somos”, o 26 de xuño de 1977 ten lugar a primeira manifestación de visibilización LGTB no estado español, convocada polo Front d’Alliberament Gay de Catalunya (FAGC).

En mazo de 1977, o Front d’Alliberament Gay de Catalunya (FAGC) fai público un Manifesto reclamando a derrogación da Lei sobre Peligrosidade e Rehabilitación Social (LPRS) e a Amnistía para todas as persoas nas cadeas pola súa conduta homosexual.

O texto do manifesto dicía: “creemos que la lucha por nuestras libertades está inmersa dentro de una lucha por la liberación sexual del individuo y ésta está dentro de la lucha por la liberación total del individuo humano, e inmersa en la lucha de clases. Nosotros no somos reformistas, somos radicales y revolucionarios. No nos contentamos con que cambien las leyes. Hay una serie de estructuras que oprimen a una serie de gente: la familia, la escuela, que tal como están establecidas por la clase dominante, es necesario cambiarlas“.

Entre a militancia do FAGC podían atoparse afiliados e afiliadas da Confederación Nacional de Trabajadores (CNT) entre moitas outras organizacións políticas e sindicais. A FAGC fai un chamado específico á colaboración á organización Mujeres Libres, que se tiña refundado dous anos antes, en 1975.

Na loita pola derrogación da LPRS, que castigaba con multas e mesmo co ingreso na cadea ou nun centro psiquiátrico, o feito de ser homosexual ou de manter relacións homosexuais, a Coordinadora de Grupos Marginados, na que se integra a FAGC, lanza en abril de 1977 o seu primeiro comunicado, asinado entre outros pola CNT e por Mujeres Libres.

Así, chégase ao 26 de xuño de 1977, coa celebración por primeira vez do Día Mundial do Orgullo cunha manifestación polas Ramblas. No comunicado, facíase referencia á esixencia da inmediata derrogación da LPRS e tamén a celebración da data de inicio das primeiras mobilizacións polos dereitos do colectivo homosexual no mundo.

A manifestación foi brutalmente reprimida pola policía, deixando varios agredidos e detidos. Fotografías da manifestación, realizadas pola fotógrafa Colita, forman hoxe parte dos fondos do Museo de Arte Contemporáneo “Reina Sofía” de Madrid.

Na Galiza habería que agardar a 1981, no que a C.C.G.G. (Coordinadora de Colectivos Gays de Galicia) convocase a primeira manifestación que percorrería as rúas céntricas da cidade de Vigo para rematar nunha festa no parque de Castrelos, celebrada o domingo 29 de xuño de 1981.