O 11 de agosto de 2023, ás 21 horas, a Asociación Cultural “Irmáns Suárez Picallo” de Sada celebrará unha ofrenda floral no monumento en lembranza das vítimas sadenses da represión franquista, situado no Paseo Marítimo desta localidade.
O acto celébrase nesta data en lembranza do asasinato na noite do 11 ao 12 de agosto de 1936 de Xohán Antón Suárez Picallo, xornalista e militante do Partido Galegista; Antonio Carballeira Muñiz, labrego e traballador da Construción, afiliado ao Sindicato de Profesións Varias de Meirás, da CNT; e Manuel Prego Chas, traballador afiliado ao Sindicato de Oficios Varios de Sada, da CNT.
Logo de ser detidos e, tras seren sometidos a brutais torturas, foron asasinados e os seus cadáveres apareceron o día 12 de agosto de 2936 nun monte situado en Abeleiras, na parroquia de Veigue (Sada).
MEMORIA LIBERTARIA NA GALIZA 
Deixar un comentario