Os homes e mulleres das terras que hoxe conforman a comarca de Valdeorras protagonizaron diversas mobilizacións de resistencia e protesta ao longo dos anos a cabalo entre os séculos XIX e XX.
Nalgúns casos, tratábase de motíns de tinte máis político mais noutras podemos atopar unha clara perspectiva social e de clase. Mais, en todo caso, reflicten unha ollada ben distinta a da mensaxe moitas veces repetida dos galegos e galegas como un pobo resignado e que, en troques de protestar, emigra. De feito, a propia emigración, ben masiva naquelas terras nesa mesma altura e ao longo dos tempos, non impide a protesta dos que quedan.
Comezamos o relato dalgúns destes motíns cunha revolta federalista nos tempos da I República Española:
No verán de 1873, no marco da loita contra as partidas carlistas que se acubillaban nas montañas orientais de Ourense, un grupo de voluntarios que os combatían, nomeados como “Os Galaicos”, protagonizan unha rebelión ao berros de “Morra o goberno” ou “Viva a república social e federal”. Iniciada en terras de Trives, esta rebelión esténdese a Valdeorras, malia non conseguiren entrar en O Barco. Logo de cortar a comunicación postal con Madrid na ponte do Bibei e de realizar saqueos de casas de terratenentes e caciques da zona, vense obrigados a fuxir por Viana do Bolo e A Gudiña ata Xinzo de Limia, cruzando logo a fronteira con Portugal, e moitos deles acabarán en Brasil, daquela colonia portuguesa.
La Independencia Española : diario liberal de la tarde – Ano V – Nº 1337 – 8 de agosto de 1873
El Gobierno. : Diario político de la mañana – Ano II – Nº 216 – 9 de agosto de 1873
La República federal libertad y progreso indefinido – Ano 1 – Nº 137 – 10 de agosto de 1873
La Correspondencia de España : diario universal de noticias – Ano XXIV – Nº 5735 – 13 de agosto de 1873
Referencias:
“Viva a república social e federal! A rebelión dos Galaicos de 1873”, artigo de Cilia Torna, en Nós Diario, 16 de agosto de 2019
Prensa histórica:
- La Independencia Española : diario liberal de la tarde – Año V Número 1337 – 8 de agosto de 1873 (08/08/1873)
- El Gobierno. : Diario político de la mañana – Año II Número 216 – 9 de agosto de 1873 (09/08/1873)
- La República federal libertad y progreso indefinido – Año 1 – Número 137 – 10 de agosto de 1873 (10/08/1873)
- La Correspondencia de España : diario universal de noticias – Año XXIV – Número 5735 – 13 de agosto de 1873 (13/08/1873)
En Biblioteca Virtual de Prensa Histórica – Ministerio de Cultura e Deporte
MEMORIA LIBERTARIA NA GALIZA 
Deixar un comentario