Incorporamos á nosa Biblioteca e Arquivo obreiro Aurora, a reedición dos “Diarios” que Syra Alonso escribiu logo da sublevación fascista de xullo de 1936 e que levou a vida ao seu compañeiro, o pintor Francisco Miguel, asasinado en Bertoa-Carballo, e rematou con Syra no exilio americano.
Estes diarios, editados por Alvarellos e a Deputación da Coruña no ano 2025, contan con material inédito que completa os textos de Syra, que xa foran publicados por A Nosa Terra anos antes.
As liñas de Syra debuxan a paisaxe de terror daquel verán de 1936 no que Francisco Miguel é arrebatado da súa casa, a “Casa de la Dicha” en Santa Cruz (Oleiros), preso na Coruña e logo fusilado en Carballo. A ARMH no ano 2023, pese as dificultades e trabas, logrou abrir a fosa no cemiterio de Bertoa para atopar e exhumar os cadáveres de Juan Boedo, Andrés Pinlla e Pedro Pinilla, xunto cós restos do pintor.
En definitiva, unhas lembranzas que debuxan un relato imprescindible do clima de terror vivido naquel verán nas terras de Oleiros e A Coruña.
En setembro de 2025, os restos do Francisco Miguel foron soterrados no Cemiterio de Santo Amaro da Coruña.
MEMORIA LIBERTARIA NA GALIZA 