Incorporamos á nosa Biblioteca e Arquivo obreiro esta obra de José Antonio Pérez Fernández, Mónica Paula Montero e Pura Villar Martínez, editada en Ribeira (A Coruña) pola Comisión da Memoria Histórica do Barbanza e máis Andavira Editora, no ano 2025.
Trátase dun libro ilustrado que recolle a adaptación das memorias do sindicalista Julio Silva. Tras ser detido logo do golpe de estado de xullo de 1936, foi xulgado en decembro dese mesmo ano en Santiago xunto con outros compañeiros e condenado a pena de morte e, finalmente, fusilado con 27 anos.
Baseado nos seus escritos a modo de memorias que escribiu no cárcere, e que foron redactadas por José Antonio Pérez Fernández, este álbum ilustrado por Pura Villar Martínez e Mónica Paula Montero, devólvenos a historia do barbeiro e sindicalista Julio Silva e maila súa contorna e o contexto político e social da súa época.
MEMORIA LIBERTARIA NA GALIZA 
Deixar un comentario