MEMORIA LIBERTARIA NA GALIZA

O pasado venres remataban os traballos de exhumación na fosa común do cemiterio de Bertoa – Carballo (A Coruña) logo de terse atopado os restos de catro asasinados en 1936 dos que falabamos en “A Igrexa pon atrancos á exhumación das “Vítimas de Bértoa”.

A Asociación para a Recuperación da Memoria Histórica ten desenvolvido estes traballos de exhumación na procura dos restos de Francisco Miguel, Juan Boedo, Pedro Pinilla e Andrés Pinilla, que foron “paseados” o 29 de setembro de 1936.

Os corpos foron atopados onde relataban as testemuñas, con evidencias de morte con violencia e con ata cinco balas nun dos corpos. Os restos das “Vítimas de Bertoa” serán trasladadas pola ARMH a un laboratorio de Ponferrada para confirmar a súa identificación.

Imaxe: “Pra que ergan o puño !…” do album “Atila en Galicia” de Alfonso Daniel Rodríguez Castelao, editado en xullo de 1937 en Valencia, polo Comité Nacional da Confederación Nacional do Traballo (CNT).