O vindeiro venres, 23 de maio de 2025, a Casa Sindical da CGT da Coruña (rúa de Entrepeñas, 6) acollerá, a partir das 18:30 horas, o acto “A transición sanguenta” organizado por Esquerda Revolucionaria, o COT (Colectivo de Olvidados por la Transición) e mailo Sindicato de Estudantes.
No acto, será proxectado o filme documentario “Las armas no borrarán tu sonrisa“, que desminte a verdade oficial dunha “transición modélica” na restauración borbónica de 1975. Un documental que persegue recuperar a memoria dos máis de 300 asasinados pola policía e grupos fascistas entre 1973 e 1981.
O acto contará coa presenza de familiares de vítimas e do director e guionista do filme, Adolfo Dufour. Entre os familiares presentes están:
- Javier Almazán, irmán de Ángel Almazán, asasinado pola policía en decembro de 1976 durante unha manifestación.
- Olga Gutiérrez, cuñada de Arturo Ruíz, estudante morto por paramilitares de extrema dereita en 1977.
Ben sabemos os libertarios e libertarias da represión, tamén naqueles tempos que agora queren converter nun oasis de paz e armonía tras 40 anos de brutal ditadura.
Basta con lembrar algúns feitos, sen máis ánimo que por uns poucos exemplos á negación desa “modélica transición”:
- 18 de agosto de 1963: Execución en garrote vil de Francisco Delgado e Joaquim Granados, militantes de Defensa Interior, organismo clandestino do Movimiento Libertario
- 16 de agosto de 1964: Detención xunto a Stuart Christie, do anarquista Fernando Carballo, que pasou 26 anos nas cárceres franquistas, cumprindo diferentes condeas, desde 1940 ata 1977
- 2 de marzo de 1974: Ejecución en garrote vil de Salvador Puig Antich, anarquista y militante del MIL (Movimiento Ibérico de Liberación)
- 3 de marzo de 1976: Os “Sucesos de Vitoria”: represión policial do encerro de traballadores en folga nunha xornada de paro xeral naquela cidade, promovida por un movemento asambleario de traballadores e traballadoras
- 15 de xaneiro de 1978: O Caso Scala: guerra suxa e criminalización do anarcosindicalismo, tralo incendio dunha sala de festas ao término dunha manifestación anarcosindicalista contra os chamados “Pactos da Moncloa”
- 14 de marzo de 1978: Tortura e asasinato na prisión de Carabanchel (Madrid) de Agustín Rueda, militante anarquista
- 2 de xuño de 1978: “Fuga dos 45” e a loita de COPEL (1976-1979) nas cadeas
- 25 de xuño de 1979: Valentín González, trabajador afiliado á CNT, é asasinado pola policía durante unha manifestación en Valencia
- 27 de novembro de 1984: Detención e tortura de cinco traballadores de CNT en Vitoria, en aplicación da lei antiterrorista
MEMORIA LIBERTARIA NA GALIZA 