O pasado xoves 7 de agosto de 2025, tivo lugar o acto de homenaxe organizado pola CGT de Vigo con motivo do centenario do pasamento de Ricardo Mella.
Este pensador, escritor e militante anarquista fora nacido en Vigo en 1861. A influencia do seu pensamento e a súa obra, traducida a numerosos idiomas, foi e segue a ser importantísima para o conxunto do movimento obreiro.
Ás 11:00 horas, preto de trinta compañeiras e compañeiros de distintos sindicatos da CGT de Galiza concentráronse no acceso principal do Cemiterio de Pereiró (Vigo) para dirixirse ata o antigo cemiterio civil onde reposan os seus restos. O sepulcro de Mella, obra do coñecido escultor galego Francisco Asorey, foi levantado por suscripción popular e ten sido adecentado por impulso de diferentes entes da CGT de Galicia.
No decurso do acto sucedéronse diferentes intervencións que recordaron a relevancia, tamén na actualidade, da figura e maila obra deste pensador libertario vigués: por parte da Federación Local de CGT de Vigo intervino Víctor Delio, quen lembrou tamén a recente perda do compañeiro Octavio Alberola. A continuación tomou a palabra unha sobrina neta do propio Ricardo Mella, que tivo verbas de agradecemento pola organización da homenaxe. Pechou o acto coa intervención do compañeiro Miguel Ángel Cuña, Secretario xeral da CGT de Galicia.
O acto concluiu coa interpretación de “A las barricadas” por parte dos asistentes e co reparto de exemplares do boletín especial de Memoria Libertaria na Galiza, coa tradución ao galego dun dos numerosos artigos de Ricardo Mella, titulado “A grande mentira” e publicado en 1911.
Galería de Imaxes:
Galería de prensa:
El cementerio de Pereiró acoge un homenaje a Ricardo Mella, el libertario vigués – Radio Vigo (Cadena Ser), 6 de agosto de 2025
A CGT convoca unha homenaxe ao libertario Ricardo Mella nos cen anos do seu pasamento – La Voz de Galicia, ed. Vigo, 6 de agosto de 2025
CGT convoca un homenaxe ao libertario vigués Ricardo Mella nos 100 anos do seu pasamento – Xornal Galicia, 6 de agosto de 2025
“A las barricadas” sonará en Pereiró por Ricardo Mella – Atlántico Diario, 7 de agosto de 2025
Vigo rinde tributo a Ricardo Mella, figura clave en el anarquismo gallego, en el centenario de su muerte – Faro de Vigo, 7 de agosto de 2025
Vigo conmemora el legado anarquista de Ricardo Mella – Radio Vigo (Cadena Ser), 7 de agosto de 2025
MEMORIA LIBERTARIA NA GALIZA 
Unha resposta a «Un acto organizado pola CGT de Vigo rinde homenaxe a Ricardo Mella no centenario do seu pasamento»
[…] Crónica do acto, galería de imaxes e galería de prensa […]
GústameGústame